由 Cairns 出發到海上平台的三間船公司之一。有別於另外兩間船公司，Reef Magic 並不會先停其他小島，而是直接出發到平台，所以造就了唯一有五小時在平台上活動的可能，令大家有更多時間在平台上浮潛晒太陽或參與其他活動！其目的地 Moore Reef 的選址亦十分大家浮潛及深潛，加上其他活動如海底漫步及直昇機觀光，絕對適合一家大細！
價錢：船票連稅195 AUD。
包括浮潛用具及救生衣，半潛艇，玻璃底船，Morning Tea，Hot and Cold Buffet Lunch，總共有5 Hours on Moore
Reef Pontoon。
Reef Magic 的套票包括的項目基本上已經夠大家玩足成日。不過在平台上足足五個鐘，絕對有足夠時間俾大家玩哂所有野。所以，Reef Magic 的附加項目亦十分多選擇，包括 Guided
Snorkel Tour, Guided Snorkel Safari ( Advanced Guided Snorkel Tour )，Introductory Diving，Certified Diving，海底漫步，直昇機觀光等，仲有按摩俾你揀！浮潛完晒完太陽再黎一個 Massage，真係十分享受！筆者到過 Reef Magic 平台兩次，都未能試哂所有活動，但都盡量為大家介紹一下！
1.
Snorkeling
價錢：基本船票已包括基本浮潛用具
浮潛評分：★★★★★
位於 Moore Reef 的Reef Magic Pontoon，離 Cairns 約60公里。由於較少受到沿岸天氣對水質的影響，所以能見度，珊瑚健康及生物多樣性都較佳，大家在此參與不同種類的水中活動絕對一流！就最多人玩既浮潛而言，Reef Magic 既選址十分適合一家大細。由平台出發，剛開始時水深大約10米，但離平台5-10米左右，珊瑚礁已經一直生到上水面。珊瑚方面亦十分健康及健全，大大少少不同種類的熱帶魚就在大家身邊，而浮潛時亦見到不少小丑魚，Giant Clams 等等。平台上亦提供救生衣予各位不熟水性既朋友。
密密麻麻的珊瑚。由於珊瑚離水面只有2-3米，甚至更少！所以陽光十分充足，影相一流！
定時的 Fish Feeding Time，船公司會餵少量生蝦吸引大魚游近平台，同時進行講解。每日餵飼的份量受到有關當局規管，以免影響魚類原本的生存模式，所以大家千萬唔可以自己帶麵包餅乾，又或者令 Buffet Lunch 的蝦黎餵魚！而煮熟左既蝦對魚係有害架！… 入返正題，下圖為 Giant Trevally，條條都有約70cm 長，可生長到超過一米，個樣十分兇狠！Fish Feeding Time 時有十幾條在 Snorkelers 之間左穿右插！睇落都覺得刺激！不過放心，係唔會咬人的啦！( 如果你自己帶野落水餵魚就唔肯定啦… )
大堡礁超級明星 Maori Wrasse，即係蘇眉！十分溫馴，個樣超傻仔！Fish
Feeding Time 時仲會游上淺水平台上面，不論大家識唔識游水都可以有超近距離接觸！不過，如果大家有搽太陽油的話，就請大家眼看手勿動，太陽油對佢地係有害的！！
浮潛時仲見到 Giant Moray Eel！最緊要的，係見到平時縮在石縫之間捕食既佢游黎游去！差不多 1.5米長！真係潛水都未必會見到！
2.
Guided Snorkel Tour / Guide
Snorkel Safari
價錢：Guided Snorkel Tour 35 AUD / Adult，25 AUD /
Child
Guided Snorkel Safari 45 AUD / Adult，35 AUD / Child
是小部分筆者未有參加的活動。前者主要為唔太識游水或初次浮潛的朋友而設，由教練帶領及幫助，從平台出發，約30-40分鐘，途中教練亦會介紹有關大堡礁及各種生物的資料，十分適合小朋友參加。
後者為較有浮潛經驗的朋友而設，會坐小船到較遠地方進行。一般而言，Guide Snorkel Safari所到之處，水流都會較強，所以還是比較適合有經驗及體能良好的朋友參加。
3.
Helmet Diving
價錢：125 AUD / Dive，200 AUD / 2 Dives
又係筆者無在 Reef Magic 平台上玩過的項目。適合唔識游水，又想在水底睇睇大堡礁，同魚魚近距離接觸，但又唔敢玩潛水既朋友 ( 又或者係唔想個妝化開既女士們 )。大家只需要聽教練簡單講解，學識幾個在水底溝通的基本手勢，就可以落水啦！大家戴住眼鏡落水都可以！RM 的 Helmet Diving 會在平台下約4米深的人造平台上走動，並由教練帶領，全程約25-30分鐘。
＊參加所有潛水活動的最低年齡為12歲！
筆者浮潛時剛好見到有人玩，成件事大約就係咁的啦！
4.
Introductory Diving
價錢：125 AUD / Dive，200 AUD / 2 Dives
Introductory
Diving評分：★★★★☆
為未有潛水證書的朋友設計的活動，先於船上跟教練上理論課，再安排時間先在水深及胸的淺水平台中練習技巧，練習完畢就可以出發潛水！筆者當時參加時亦覺得整個過程十分流暢，當日同行不太識游水的友人亦有參加了此項目，完全無問題！玩得十分開心！
潛點方面亦十分適合各位潛水新手，水深平均6-8米，Nemo、Maori Wrasse、Giant Clam 等等都可以近距離接觸到！
要數唯一一個扣分位，大概就係未有中文或廣東話教練，所以參加者最好有一定英語能力，以理解教練講解的理論部分。
筆者浮潛時跟著在水底進行Introductory Diving 的友人，順便影幾張相留念！
5.
Certified Diving
價錢：65AUD / Dive。Gear Included。Extra Dive 35 AUD / Dive
Certified Diving評分：★★★★★
Reef Magic 的 Certified Diving 會用小船載大家到較遠的地方進行。由於天氣許可，加上參加者有一定經驗，筆者參加當日的 Certified Diving為 Drift Diving。由小船載到 Reef 的外圍，順著水流慢慢沖點平台，省卻不少體力。潛點水深約28-30米，而因應參加者的證書規限，該次潛水都在20米左右。由於位於 Reef 的外圍，可以見到不少較大體積的魚，如Barracuda。但因水流較強，難以停下拍照或尋找體積較小的生物。
筆者當日無帶相機… 未能提供相片… 抱歉抱歉
6.
Helicopter Scenic Flight 直昇機觀光
價錢：主要分為 5minutes Scenic 99AUD/PP 及 10 Minutes Scenic
165AUD/PP，另有 Fly to Pontoon / Fly Back to Cairns，多謝每位 449 AUD。
筆者當年有幸在 Reef Magic Pontoon坐過 5minutes Scenic，第一次坐上直昇機的感覺實在畢生難忘，仲要有機會坐在機師旁邊！差點興奮到尖叫！雖然 5分鐘真係超級快過，基本上係起飛後在附近轉一圈就降落了，但以99AUD體驗一下直昇機及從高空欣賞大堡礁，都係十分值得的啦！不過在平台的直昇機觀光，始終無 Green Island 的靚！
而坐小船到停機坪
睇住身邊既機師慢慢控制直昇機升空，感覺好似打機！
飽覽整個 Moore Reef！
天氣一流！回望 Reef Magic Pontoon！
7.
Massage
價錢：20AUD/ 10 Mins起
按摩師為註冊護士，亦有專業按摩師資格，於獨立帳篷內進行。雖然活動完即刻有得按摩一下真的十分爽皮，但價錢實在超貴… 大家如果有試過不妨分享一下…
如果大家只想直接到海上平台慢慢享受，筆者建議大家到 Reef Magic
Pontoon。因為另外兩間設有海上平台的船公司都會先停 Green Island /
Fitzroy Island 接載客人，再起行前往海上平台，所以大家坐船的時間會較長，而留在 Pontoon 上的活動時間亦因此縮短，亦因此只有 Reef Magic 才有全 Cairns 唯一的 5 小時平台活動時間，只需90分鐘船程就直達平台。筆者到過 Reef Magic Pontoon 兩次，都仍然玩得樂而忘返！跟其他海上平台一樣，不同的活動適合大人及小朋友，潛水愛好者或不懂游水既朋友都照顧得到。而價錢方面在同類產品之中亦算超值！
詳情可參考：
附加資訊：
Reef Magic 於6月至9月Whale Season 期間設有全 Cairns 唯一每日出發半天 Whale Watching Cruise！只需 99AUD，而且睇到鯨魚的機會頗高 ( 當然，睇唔到係唔會有退錢的… 不過可以按排大家再上船 )。可以近距離睇到 Minke Whales 及Humpback Whales，絕對唔係講笑！
詳情可參考：
本網誌純粹為個人經驗分享，供各位朋友參考，並不用作任何宣傳。
沒有留言:
張貼留言