期待已久 ! 終於等到出發的大日子 !
19-01-2012 22:00
正式向長灘島前進 !由於我地想用盡五日四夜，所以我地會搭凌晨機去 Cebu，再轉機去 Caticlan，而唔係由 Manila 出發
由香港至宿霧， 於 01:35 起飛
宿 bu !
3+3 既座位 ~ 尚算舒服 !
落機後，當然係辦理入境手續啦！
入境大堂總共只有六至八個櫃台！左邊既櫃台係俾菲律賓國民用既，右邊的才是海外旅客櫃台！
記得落左機就盡快去排隊啦！如果唔係真係等半個鐘都未到你架！
等左十分鐘度，辦理完入境手續就去拎行李！一去到就有得拎！
拎完行李之後轉身就會見到去轉機大堂既指示牌，行過陰森既走廊搭 Lift 上二樓就到啦！
一出 Lift 就會見到轉機大堂，右邊就係 Check-in 既櫃台啦
呢度既櫃台係根據目的地劃分！所以要先搵到去 Caticlan 既櫃台，拎機票及將行李寄倉及磅重！
因為我地搭既飛機係小型飛機，所以每個乘客都要磅一磅重，再由櫃台職員平均地安排機位，以平衡飛機既重量！
Check-in 完之後就要到隔離排隊俾 terminal fee ! 每位 200php !
俾完錢就到安檢啦 ~ 之後就會去到候機大堂 !
注意 ! 候機大堂有兩層 ! 留意一下自己係第幾號閘口 !
呢個係一樓既候機大堂，比較寬敞
去到呢個大堂都差唔多五點啦... ...
走過陰森既樓梯，樓下的候機大堂就舊好多啦 ~
唔經唔覺，已經等到天光啦... ...
換定衫，準備迎接菠蘿雞既陽光！
可以登機既時候就會有巴士黎接我地架啦！
我地既飛機！
2 + 2 既座位！仲要望住個外露既旋掌！真係不得了！
難怪個個乘客都要磅重啦！
見到長灘島啦！仲有大大條彩虹等住我！
差不多一個鐘頭之後... ... 終於黎到 Caticlan 啦 !
其實仲未到 Boracay... 我都唔明點解個機場名會轉左做 Boracay Airport...
入到去大堂，首先要俾 75php Environmental fee + 50php tricycle fee to jetty port + 25php 船飛 ~
每人總共 125php
拎埋行李行去對面就係 tricycle 既站，俾張飛站頭既姐姐就可以上車！唔洗再俾錢架啦！
5分鐘既車程，就去到 Caticlan Jetty Port
由 Kalibo 機場落機既朋友都係去呢一個碼頭，不過就要搭差唔多個半鐘車程，車費約 200php ~
有大旅遊巴，客貨van 可以搭
落車後先去下圖左邊既櫃台俾 terminal fee！唔明點解機場唔賣埋 terminal fee ... 但係又賣船飛... 真係麻煩 !
每位 50php !
有船飛再加一張八達通咁既 boarding pass
我都理解唔到點解兩樣功能性質相同既野要一齊用...
注意 ! 入到大堂左手邊會有地圖拎 !
之後就可以俾姐姐搣飛再拍卡...真係多鬼餘...
上船啦 ! 就係搭呢一種蟹船去 Boracay 架啦！
由於長灘島附近十分大風大浪，所有船既左右都會加左蟹腳黎平衡～
上落船除左要小心唔好差錯腳... 仲要小心落船果陣唔好俾行李人地拎呀！
如果唔係就俾人屈 tips 架啦 !
當然 ~ 如果行李太重的話，俾少少錢總好過個人或者件行李跌左落海既～
大約十至十五分鐘既船程之後就正式登陸長灘島！上左岸右手邊就有 tricycle stand，記得上車前問價！
我地兩個人由碼頭去 Bulabong beach 就 125php
Station 2 既酒店大約要 100php
到長灘島既路途十分曲折麻煩...不過...一齊都係值得架 !!!
沒有留言:
張貼留言