有名的 Green Island，全 GBR 唯一一個有熱帶雨林生長的沙島，離 Cairns 只需 45 分鐘船程（離岸約二十公里），亦係 Cairns 內最設備齊全既島。島上除左有五星級 Resort、餐廳及泳池等設備之外，大家仲可以玩浮潛、深潛、海底漫步、直昇機、Parasailing、風帆、獨木舟、玻璃底船甚至係 Wind Surfing，仲有十分適合一家大細參觀既鱷魚館！不同種類既活動，較短既船程，價格低廉既船票，每日不同時間都有船往返，玩半日全日或過夜都可以，再加上 Green Island 出名多海龜！！令G.I.可以話係全 GBR 最多旅客到既地方，旺季（即農曆新年期間）每日平均都有超過一千五百名遊客到島上！九萬幾種活動，等筆者為大家慢慢講解！( 文章有點長… 請大家耐心閱讀… 因為實在有太多太多資料！！！)
1.
Snorkeling
浮潛
價錢：買船票是可選擇包括浮潛用具，如果無包括的話日租 18 AUD，救生衣另加 12 AUD。
Boat Snorkel Tour 為 40 AUD。
G.I. 的三個指定浮潛區域如下：
好多人去過 G.I. 浮潛都會話「大堡礁都係不外如是啦！東坪洲既珊瑚靚好多！」、「能見度好差！珊瑚死哂！」、「跟台灣既綠島無得比！」
只能同大家講，第一，你可能揀錯日子黎，因為G.I. 既水質及能見度真係差異幾大，有時六米八米，有時只有兩米… 加上始終係一個沙島，潮汐及風浪都好容易揚起水底既沙石，能見度當然不穩定啦！
第二，試想想日日有幾百個人到島上浮潛，並不是個個都識得浮潛 / 對保育有概念的，近岸邊的珊瑚被破壞得七七八八實在無法避免，而筆者亦無去過台灣既綠島！哈！所以如果大家想真正體驗在 G.I. 浮潛既樂趣，一定要識得揀地方！
上圖展示出三個指定浮潛地區，等筆者一一講解。
A.
Main Beach
設有救身員既 Main Beach 係大部分遊客都會去既地方。基本上離岸二十米既範圍內你唔會見到有生存緊既珊瑚…. 但係！如果對自己既泳術有信心，不妨繼續游到離岸五十至一百米既地方浮潛！聽落好似好遠好不安？可以話你知，離岸一百米平均水深都只係兩米左右！（當然都要睇睇當時既潮汐及風浪啦，如果剛好潮漲又大風浪，你又唔太識浮潛，還是建議你到離岸不太遠既範圍探索一下啦！）
大部分既遊客都唔會去到咁遠，所以珊瑚礁都是生長得幾健全！而由於相對較少滋擾，所以更容易見到不同既海洋生物，如Clown fish，Sting rays，sea
cucumbers，parrot fish等等，而見到海龜既機會率都十分高！筆者就十分難得地見過兩隻海龜並肩在海底休息！！可以話係大家都忽略了的最正浮潛點！
圖中為 Main Beach，兩張沙灘椅同太陽傘多謝 30 AUD… 差點以為係零售價…
B.
Jetty
是一個比較少人去的地方，原因好簡單，因為只是一片長滿海草的沙地。亦正因如此特別既地形，吸引了不少 Sting rays 及海龜在此範圍內覓食！如果大家搵左成日都見唔到海龜，不妨到此處碰碰運氣！筆者十分有幸地在此見過一條近三米長的 Shovel Nose Shark！真係要講一句：That you don’t
see every day!
下圖是來自 Google 的相片，話你知咩係 Shovel Nose Shark！
C.
Jetty
Jetty 的另一邊，卻是另一番風景！雖然近岸的地方都仍是沙地及海草，不過離岸二三十米左右，在碼頭的轉角位開始，就會見到珊瑚慢慢出現。接近 Jetty 的末端水深約兩三米，亦係不少較大的生物在覓食的地方，包括 Eagle rays，Giant Trevally，甚至係 Black tip reef
shark！該範圍亦係搵海龜既好地方！不過要提提大家，此處係無救生員的，而且靠近船隻航道，所以記得要遵守規則，量力而為！
總括而言，在 G.I.浮潛，一般而言都係要遊得比較遠一點才好，反正離岸數十米水深才不到兩米。不過如果大家不想游得太累，可以選擇參加 Boat Snorkel Tour，乘坐小船約五分鐘到離岸約兩公里的地方浮潛，為時約40分鐘！珊瑚礁由水深約十米的海底一直生長到水面，而不同種類的海洋生物都容易見到，但要注意的是費用只包括坐小船到浮潛地點的費用，並沒有 Guide 提供的。雖然 Boat Snorkel Tour 會免費提供救生衣，而船上亦有救生員，但還是適合較有浮潛經驗的朋友參加。
浮潛評分：★★★☆☆
始終不是GBR上最好的浮潛地方，雖然有很多海龜在G.I. 附近覓食，但能見度不穩定，又要游到離岸較遠的地方。優點在於淺水的沙灘倒是十分適合一家大細或不太有信心的朋友體驗浮潛的樂趣！
Green
Island Dive and Snorkel http://www.greatadventures.com.au/green-island-dive-snorkel.html
2.
Introductory Diving 體驗潛水
價錢：152 AUD / Dive，參加者最少 12歲，相片每張約 20 AUD。
在G.I. 參加
Introductory Diving，需要先上理論課。教練會用大約二十至三十分鐘講解是日體驗潛水既流程，潛水理論，水底溝通手勢及安全技巧示範。之後再到泳池練習三項安全技巧，完成後再坐小船到約離岸兩公里的潛點進行體驗潛水。潛水期間會有水底攝影師幫大家影相，不過大家係要另外俾錢買相的，大家亦唔可以自己帶相機落水。而一位教練則可以同時帶不多於四位客人進行體驗潛水。每日有 10:30，13:00，14:30 三個潛水時間，但不好意思潛水時間不是你選擇的～
雖然 G.I. 的能見度不太穩定，但體驗潛水還是可以見到 Green Turtles, White
Tip Reef Shark, Clown Fish, Giant Clam, Sting Rays 等等既海洋生物。
濛濛的Sting ray...
濛濛的Bat Fish…
Hi Nemo！
Introductory Diving評分：★★★★☆
對於初學者而言，相比起在大風大浪，水深十米的海中心，在泳池內練習安全技巧絕對有助大家放鬆心情練習，亦大大提升大家潛水既成功率。無錯，等大家有一個心理準備，不是你俾左錢就潛到水的！如果你做不到安全技巧，教練係唔可以帶你去潛水架！而G.I. 的 Introductory Diving 整個流程時間較充裕有彈性，絕對係一個開始接觸潛水的好地方。而基本上每日都會有普通話 + 日文 + 英文教練，有時亦會有廣東話教練，所以唔需要擔心言語不通而影響潛水的教學！缺點就是潛點能見度不穩定。可能有人會覺得第一次潛水當然要見到很多很多海洋生物，個人經驗分享，筆者第一次的體驗潛水，除了記得見過 Nemo 之外，其他的海洋生物都不記得了 … 所以個人認為能夠成功潛水才是最重要的，亦係筆者給予 4★ 的原因。
最後的溫馨提示，請盡量避免在農曆新年及十一國慶期間到 G.I. 進行體驗潛水… …
詳情可參考：
3.
Certified Diving
價錢：107 AUD / Dive，152 AUD / 2 Dives。Gear Included。
在 G.I. 上比較少人玩的活動，原因好簡單，因為Green Island 的潛點實在滿足不到有潛水執照的朋友。不過
G.I. 的潛點有時都會有驚喜！大至Manta Ray、Bull Ray，甚至 Minke Whales，小至不同種類既 Nudibranch 及 Flatworm 都可以等大家慢慢探索。
Hawksbill Turtle
Lion Fish
Lovely Nudibranch！
Certified Diving評分：★★☆☆☆
其實筆者在 Green Island 潛水時有一個十分奇妙既經驗，就係十分清晰地聽到兩隻 Minke Whales 在海中唱歌！而且好清楚聽得出是離筆者十分近的！跟鯨魚一起潛水，夫復何求！但無奈當日只有 4-5 米的能見度，找了二十分鐘都找不到，回到船上職員才告知原來筆者的氣泡當時只跟鯨魚約有二十米的距離！！！實在係無限句粗口… 所以啦… 以 Certified Divers 而言， G.I. 的潛點的確比較遜色，其能見度亦難拍出好照片，加上價錢絕不便宜，以 Silver
Swift 為例，一次 Certified Diving 才 45 AUD，實在好難會選擇去 G.I. 潛水。不過如果大家係想玩半日的話，G.I. 就滿足到你啦。因為 G.I. 係有 12:00及14:30 早船回 Cairns的！
詳情可參考：
4.
Sea Walker 海底漫步
價錢：165AUD / Dive，參加者最少 12 歲。
G.I. Seawalker會先跟大家上大約十分鐘的簡單理論課，了解流程及基本手勢後，就可以用快艇仔到離岸600-700米的平台上進行。大家會到大約4米深既地方玩大約20分鐘。由於落水時教練都會帶埋魚糧，所以平台下面可以話「養」左超級多魚！Bat
Fish，Surgeon Fish，仲有 SeaWalker 的明星 Parrot Fish 「爆牙哥Garvin」。不過過程大家唔可以帶相機落水，但就有水底攝影師幫大家影，玩完返到 G.I. 上已經即刻有相睇，都影得幾靚架！
相真係影得唔錯呢！
SeaWalker 評分：★★★☆☆
相信不少朋友都有在東南亞玩過海底漫步，價錢亦平好多。 但 SeaWalker 仍然十分受亞洲人歡迎，除左大家唔需要識游水，又唔需要做技巧，的確比潛水輕鬆好多。雖然魚就係超多，但大家在海底又行又跪，能見度真係不太好，而且漫步既範圍幾細，而附近的珊瑚亦不多，比較走馬看花。相比之下，性質類近的 Scuba Doo 就睇得更多，而且仲平約10%，不過就只有在G.A. 的海上平台上先玩得到。
詳情可以參考：
5.
Helicopter Scenic Flight 直昇機觀光
價錢：主要分為 10minutes Scenic 185AUD/PP 及 15 Minutes Scenic 255AUD/PP，當然亦有十分富貴的 Fly to
G.I. / Fly Back to Cairns，多謝每位 449 AUD。
來到 GBR 除左落水 Down
Under 體驗大堡礁之外，另一方法就係坐直昇機 Up High 用不同角度感受 GBR 既壯觀！人生總要坐一坐直昇機！一坐上去就即時有種飛黃騰達衣錦還鄉既感覺！回到正題，G.I.
的Helicopter 主要為 4 Seater / 6 Seater，由 G.I. 起飛在附近上空逛10 /
15 分鐘。筆者試坐的是 15 mins 版本，還是看看筆者的照片比較具體。
真係筆者用手機影的！天氣好景色好，用手機都可以影到拍廣告一樣既相片！
請勿將手腳伸出機艙外…！
從高空看的 Reef！
降落的一刻！
Helicopter Scenic Flight評分：★★★★★
如果大家 Budget 許可，強烈建議大家要試試！特別係黎 Honey Moon 既朋友！185 AUD 10分鐘的確有點貴，但以 Cairns 既 Scenic Flight而言，唔計富貴的 Fly to G.I. / Fly to Pontoon，G.I. 起飛既 Scenic Flight 絕對係最靚最抵的！由上空睇 G.I. 真係十分十分靚！筆者從直昇機上都可以清楚見到數隻海龜！如果季節適合運氣又好的話，仲會見到 Manta Rays 及 Minke Whales！絕對唔係講笑！
小小建議，除非是旅遊旺季，否則不要貪 Travel agent 給你的 10% OFF 而預訂，因為 Scenic Flight 真係好講天氣，最好係當日上船後或早一日確定天朗氣清先好報名！當然… 都有可能因為滿坐先訂唔到啦… 不過咁貴，當然希望可以睇到最靚既景色啦！雖然感覺好快坐完，但 10 分鐘版本亦足夠的啦！
另外，其實大家如果係由 Cairns 以南的地方，如 Brisbane / Gold Coast/ Melbourne坐飛機飛過黎的話，同樣可以由高空見到大堡礁既景色，不過當然跟坐直昇機無法比啦！
詳情可參考：http://www.gbrhelicopters.com.au/tours/reef-packages/great-adventures-2/green-island-packages/
6.
Marineland Melanesia
價錢：18.5AUD / Adult，8.5 AUD / Child
同行扶老攜幼，想睇海洋生物但又怕浮潛時照顧不暇？又或者天氣好差，運氣不佳浮潛時睇唔到特別的海洋生物？筆者十分推介大家黎
Marineland Melanesia 玩玩！
Marineland Melanesia 乃係集鱷魚館、水族館、藝術館及手信店於一身的神奇小館，雖然面積細細，但筆者在內欣賞了近兩小時，絕對有驚喜！於 Green Island 島上已經超過40年！人稱「島主」的創立人 Craig早年於 Papua New Guinea 以捕鱷為生，之後將在 PNG 及澳洲地區捕獲的鱷魚運到島上，加上個人收藏的大量東南亞原住民藝術品，建立
Marineland Melanesia。
到此館 Must See 絕對係 10:30 & 13:30 上演的 Crocodile Feeding！由創立人 Craig 的孫女 Gemma 同大家介紹館內的動物及明星鱷魚，仲可以感受到平時好似模型一樣完全唔會動的鱷魚進食時的力量及速度的爆發力！而 Gemma 在過程中講解的內容十分豐富，聽得大家完全入哂神！
Marineland Melanesia 入口，不太起眼～
入到去就見到幼鱷的養飼箱，呢班鱷魚仔大約 1-2歲啦！
Epaulette Sharks，中文應該係肩章鯊，特別之處在於佢地係識得用鰭行路架！
筆者在整個 Aquarium 最鐘意的動物！潛水既朋友都知道，潛水時搵到八爪魚已經唔容易，而怕羞既八爪魚見到你就即刻鑽入石縫，真係好難得可以睇得咁清楚！筆者企定定同八爪魚對望足足十五分鐘！
True Clown Fish！
過左只有十多個魚缸的迷你 Aquarium 之後就見到大水池，入面有兩隻茶几咁大既 Hawksbill Turtles，筆者可以好肯定咁話俾大家知，在
Green Island 附近浮潛一定唔會見到大隻到咁既海龜！
島主的私人收藏，基本上遍佈整個 Marineland，圖中只係一少部分！
筆者最愛的一件！幾ＱＱ！
睇鱷魚啦！由 Gemma 帶領的 Crocodile Feeding。館內大約有十多條成年鱷魚，圖中係Bulla
& Bella，一男一女，兩隻都四十幾歲啦！是當日最活躍既鱷魚！
Marineland Melanesia 的明星！全世界捕獲最大的鱷魚
– Cassius！超過 110歲！絕對老過你同我既爺爺！長 5.5 米的 Cassius平時成日浸在水中唔多覺有幾大隻，一行上水就知道佢有幾大條！！！要將大家原隻生吞都無問題！！！而佢既左前掌係無左架！聽聞係少年輕狂既時候打交時俾其他鱷魚咬走左的！
完左 Tour 之後大家仲可以同鱷魚仔影相，可以俾自己既相機俾 Gemma 同你影，影超多張都只會收 15 AUD，無相機可以由 Gemma 幫你影，晒返出黎就要 20AUD 一張啦！價錢絕對平過大家黎澳洲同 Koala影相！鱷魚在澳洲都係十分出名架！而且抱住鱷魚仔既感覺真係十分奇妙！又凍又軟！入黎睇鱷魚，一定要影返張！呢隻鱷魚仔只係 4 歲，叫 Cuddles！接受唔到囉！點解咁兇猛既鱷魚有個咁可愛既名！
Marineland Melanesia評分：★★★★★
筆者之前就聽聞過鱷魚館規模有點細，本來係見無野做所以先會入去行行，點知一行就行左兩個鐘！( 大家睇埋 Croc Feeding 大約只需一小時左右吧！) 保證可以見到 Nemo，海龜，仲有大大條鱷魚！絕對係適合所有人黎參觀！而且只係 18.5AUD的入場費亦係性價比十足！如果大家帶住小朋友就更加合適！記得同 Cuddles 影張呀！
詳情可參考：
7.
Parasailing
價錢：140AUD / PAX，大小同價，小朋友最少要有 11 歲。
筆者當年在菲律賓長灘島用四分之一既價錢玩過… 所以俾得呢個價錢，都係建議大家加多 45AUD 坐直昇機好過！
8.
Green Island Resort
五星級 Resort，六星級體驗，絕對唔係
Shangri-La 或 Hilton 可以比美！當然價錢亦唔能夠同日而語…
最後有關 Green Island 的旅遊小貼士，現時有兩間船公司開辦到 G.I. 的航線，分別為 Great Adventures 及 Big Cat。兩間公司都有不同的時間往返 G.I.，唯一大家要注意的是，一般的船到 G.I.只需 45-50 分鐘，但Big Cat 的「Big Cat號」則要多一倍航行時間，即係變相減少了大家在綠島上玩的時間，而風浪較大的日子，即令大家受苦的時間多一倍… 而 Big Cat 的「Reef Rocket」是該船公司的另一艘細船，但到綠島時間則為 45-50 分鐘，所以買船票既時間記得要注意啦！
單單一個 Green Island 就有如此多的資訊，筆者自己都打到眼盲，如果資料有錯請見諒及多多提醒！有問題的話歡迎留言查詢！希望幫到大家！
詳情可參考：
Great
Adventures Green Island Cruise
Big Cat
Green Island Cruise
本網誌純粹為個人經驗分享，供各位朋友參考，並不用作任何宣傳。
沒有留言:
張貼留言