Frankland
Island 的正名其實係 Normanby Island，其可愛之處，大概就是它的遠離煩囂吧！與早前提及的 Green Island 剛好相反，Frankland Island只有一間船公司獨家經營，而每日只限最多100人到島上，平均每日都只有約50位遊客。島上沒有 Resort，沒有餐廳，就連廁所都沒有，午餐的地方就是郊野公園的長枱及木登。工作人員一到埗就築起臨時帳篷供旅客乘涼，離開時再拆走，絕對係真正的「 Leave nothing but footprints, take nothing but photos」！
Frankland Island絕係比較冷門的目的地，主要的客源大多是上年紀的外國旅客，本地家庭及少部分日本情侶。除了因為家庭式經營，沒什麼推廣之外，令人卻步的大概就係價錢及時間吧！有別於其他船公司， Frankland Island Cruise 係由河上出發的！先由 Cairns 到碼頭需約 45-60 分鐘車程，之後再坐大約 60 分鐘船方到達。加上如此反樸歸真，實在不吸引一眾財大氣粗的土豪，令 Cairns 保留了一片寧靜！話雖如此，其實大家到 Frankland Island 還是有很多不同活動等大家探索。由Mulgrave River出發，沿途尋找野生鰐魚，船票包括了半潛水艇，午餐，浮潛用具等基本項目之外，最欣賞的就是當中亦包含了由 Marine Biologist 帶領的 Guided Snorkel
Tour 及 Guided Island Walk。由於筆者較喜歡大自然及相關資訊，所以覺得呢兩個 free tours 實在十分吸引，從中學到不少知識，亦明白為何咁多本地家庭帶住小朋友黎呢度。除此之外，其實該公司都有提供 Introductory Diving 及 Certified Diving，不過我相信個教練自己本身都好耐無潛過水… 因為實在無人會到 Frankland Island 潛水呢…
價錢：149 AUD，另加約 30 AUD 酒店接送
整艘船都是十分輕鬆游閒的氣氛。
船程大部分時間都在風平浪靜的Mulgrave River 上，大大減才了暈船的機會！沿途記得金晴火眼搵搵岸邊哂住太陽撻住皮的野生鰐魚！
Frankland Island係屬於Coral Beach，沙灘都係死珊瑚組成，所以唔好期待訓上軟林林的麵粉沙上呀！
Semi Submersible，半潛水艇，亦係接載旅客來回主船及沙灘的交通工具，亦係 Toilet Taxi！筆者怕暈船，所以只有剛到埗時及離開時有坐過。
Lunch
1.
浮潛
跟 Green Island 相似，Frankland Island 都係海龜既覓食範圍，所以都有十分大機會見到海龜！筆者浮潛時就見到兩三隻海龜在身邊經過！珊瑚方面遠比 G.I. 多。不過正如其他沙島一樣，能見度真的麻麻，特別係筆者去的當日，兩三米之內的能見度真的無誇張。有相為證… 另外已包含的 Guided Snorkel Tour 亦十分資訊性，Marine Biologist 帶 Snorkelers 到較多珊瑚的區域，免卻了自己慢慢游周圍搵既痛苦！之後亦不停講解珊瑚及不同海洋生物的特色，當日更有英文及日本團任君選擇！
如果當日的能見度好一點，其實 Frankland Island 浮潛絕對比 Green Island 好！
2.
Guided Island Walk
個人認為是當日的亮點！Island Walk 是在午餐後潮退的時候進行。一大片的
Reef flat 因潮退而露出水面形成淺灘，當中大大小小的 Rock Pools 充滿住不同的海洋生物（當然除了魚！），包括 Giant Clams、sea stars、sea hares、sea cucumbers等等，而領隊的Marine Biologist 除了講解生物特色之外，更會讓大家拎上手感受一下！小朋友們都玩得十分開心！整個 Tour 剛好環繞整個島一圈，為時約30分鐘。
Sea Hare，中文應該是海兔吧！
Our Marine Biologist
Sea Star :D
Baby Giant Clam
Disgusting sea cucumber！！！
潮退時露出黎的特別地形，回想起中學的地理課！
Frankland Island Cruise 絕非大家到 Cairns出海感受大堡礁的主流目的地，但簡單一日的行程都足以令筆者感受到整個營運就不是單單的商業活動，而是真真正正的Eco-tourism！令筆者十分印象深刻，實在是 Cairns
內難得的清泉！亦因如此，明顯地呢間公司賺不到錢… 當然，此類船公司不太適合大部分的市場，但如果大家來到 Cairns，出過海以後有些日子沒事幹，又或者你希望輕鬆寫意又靜靜的在沙灘上撻皮，又或者你係正義既朋友，不妨去 Frankland Island 感受一下！而文首提到島上連廁所都無，唔需要擔心！大家可以坐接駁小船（又稱 Toilet Taxi）回到船上解放的。
另外，大家可以留意 Frankland Island 的網站，佢地會張貼出未來七日的優惠，有時只需 89AUD + 另加酒店接送，其實真係好抵！
有問題的話歡迎留言查詢！希望幫到大家！
本網誌純粹為個人經驗分享，供各位朋友參考，並不用作任何宣傳。
沒有留言:
張貼留言