大約八點幾, 終於黎到長灘島啦 !
直接坐 tricycle 去酒店,睇下可唔可以提早 check-in
之前有提到,我地既酒店 Pahuwayan Suites 係一間比較新同細既酒店,總共只有八間房
位於 Bulabong beach, 係長灘島熱門水上運動 Kite-surfing 既勝地 !
而我地酒店既前面正正就係一間好出名既 kite-surfing school -> Freestyle Academy
所以呢間酒店大多都係由 Kite-surfing 愛好者入住的 ~
我地就貪佢對正個海,但又唔會好似 white beach 果邊既酒店咁嘈咁光 ~
入門口就有隻唐狗仔歡迎我地 ! 加分 !
之後每次出入都會見到呢隻狗仔O係度訓覺 ~ 無錯 ! 真係每次都係訓緊覺 !
O係長灘島...真係連隻狗都特別寫意 !
有時佢仲會走左去我地房對出既花園仔訓覺 ~ 貪果度有太陽曬住嘛 !
Reception
Common area
由於房入面無雪櫃 ~ 所以所有飲品雪糕都係雪在公家的大雪櫃
呢度仲有煮食用具 ~ 煮完等人幫你洗就可以了 !
可惜.. 上手仲未搬走... 所以要等到兩點先可以 check-in
無問題 ! 放低行李,周圍行下先 !
呢個就係我地酒店外既沙灘啦 ! 超超超級大風 !
成個沙灘每朝都會有超多枯枝落葉,之後先發現... 原來夜晚既時候會因為潮漲整個沙灘都俾海水浸左 !
真係會浸住下圖既樹架 !
唔怪得咁多枯枝落葉啦 !
沙質水質都係無 white beach 咁正的啦 ~ 不過勝在夠清靜 ~
之後就行返出去Station 2 & D’ Mall, 大約5分鐘既路程 ~
亦即係 Boracay 既市中心 ! 手信商店食肆超市都集中哂呢度 !
不過... 當然物價都會比較貴啦 ~ 所以如果想買手信就唔好O係 D'Mall 買啦 !
D'Mall 入面會見到好出名既一間射籃球鋪頭
35php 40秒 不停射籃
入到 24 個送你一隻杯 ~ 28 個就送你一件 Tee
自問唔係籃球好手... 各位有興趣不妨試試 ! 都幾緊張刺激架 !
for your reference... 我在長灘島五日...路經無數次...最多都係見到有人入到 8 粒...
入到 24 粒真係真男人 ... !!!
繼續直行會見到 D'Mall 地標 -> 摩天輪
繼續行就會見到十分出名既食肆 Aria
亦即係到左 white beach 啦 !!!!!!!!!!!!!!!!!!!!!!!!!!!!!!!!!!!!!!!!
無邊無際的海
藍白色的船
麵粉一樣的沙
OMG !!!
What are you waiting for ?
驚嘆 + hyper 左十分鐘後
沿著 white beach 向 station 3 行,繼續 explore 一下呢個天堂
同埋為黎緊呢幾日既戶外活動格一格價 ~
可以的話就預約埋 !
又係好容易認既 Shakey's
樓上係 Palassa Spa
其實成個長灘島周圍都係 Spa & Massage
最常見既就係o係 White Beach 上由師奶們主理既 Spa
價錢由 300-350php 60分鐘都有
行行下 white beach不時都會聽到有人同你講 : 「Mum / Sir, 馬沙之 ~ 」,應該就係講緊 Massage 吧 ~
呢一類 Massage 十分開揚,基本上每個路經既途人都會睇到你
不過大家都已經見怪不怪,亦唔會特登去望你既
另一種就係以鋪頭形式經營既
價錢由350-500php 60分鐘都有
例子就係呢間 Palassa Spa,都算係連鎖式經營
呢一間o係 Station 2,仲有一間o係 Station 1,兩間o係 Main Road
夜晚我地去左 Station 2 呢間度做左個 Swedish Massage,即係推油果種~
350php 60分鐘
佢個格局係成個大廳咁既 ~ 無分男女,亦無遮無掩
不過女士唔需要怕走光~因為按摩技師會放一條大毛巾在你身上
而其他客人基本上都沉醉在按摩之中~
不錯不錯 ! 值得推介 !
地標 !
Regency Hotel
行左十幾分鐘就會見到呢個牌 !
d' talipapa 係當地既市集 ~
亦係買手信食好野既好地方 !
長灘島的第一餐食左 Andok's
一間專賣燒雞既鋪頭 D'Mall 都有分店
不過... 大家千萬唔好食 !!!!!!!
炸雞勁乾勁硬 ! 飯又係勁硬 !
仲要超級多 flies ... !!!
真係第一餐就中伏了 !!!
由於我地今日只係 explore 一下個島既環境,所以唔買手信住~
食完件硬雞就返左 D'Mall
路過幾出名既 Crazy crepes
熱屎辣辣,入去買返個 crepes & freezee 食下先 !
Mango ice cream crepes ! 不錯不錯 !
另外果杯就係 freezee, 類似奶昔 + 麥旋風既野
叫左 nutella 味... 味道食落幾好...不過都幾甜 !
仲有佢入面有 D 食落好似泥膠咁既野 ... 超難食
應該係用了平價榛子醬充數 !
所以...如果去食 crazy crepes... 都係食 crepes 好啦 ... !
沒有留言:
張貼留言