於長灘島的最後一日啦 !!!
一早就起左身 ... 因為... 我黎左長灘島五日係無試過訓在沙灘曬太陽架 !!!
因為真係好多野玩 ... 而且有時天氣又不太好 ...同埋唔想曬傷左做唔到 Massage !
所以最後一日一定要去曬一曬 !
行左出去 D'Mall 搵食 ~ 揀左 Cafe de Sol
就在 Aria 隔離，同一集團的...就當係食左 Aria 啦 !
叫左 cheese omelette with toast，原來會跟西瓜 !
芝士味好重 ! 正 !!
Caramel Macchiato
埋單差唔多 400php ~ 之後就直沖去 white beach 啦 !
我地揀左 Willy's Rock 附近... 因為我地覺得果度既沙灘係最正既，岸邊既沙好平，海水沖上黎好似成塊鏡咁 !
除左曬太陽，仲玩左陣浮潛 ~ 想好方便咁睇下魚仔去 Willy's Rock 就岩啦 ~ 有岩石既地方就會有魚仔集結
睇下幾多魚 ! 條條最少都有掌心咁大架 !
之後仲見到沙灘有人玩 skimming board !
成個沙灘應該得 Willy's Rock 呢度夠平又夠水玩呢個運動 !
其實唔難學 ! 我地玩左十分鐘已經識得跳上板 !
玩完急急腳返酒店執野走人了...
走既時候仲發現到個 Local gym room !!
原來佢地係舉石屎架 !!! 唔怪得咁大隻啦 ! 哈哈
由於我地係下午四點機... 但係酒店十二點就要 check out
所以只好帶著行李於 D'Mall 行一行
最後一餐我地揀左在 Lemon i cafe，就在 Bite Club 對面
當我地在店外睇緊有咩食既時候... 有個岩岩於呢間餐廳食完既外國遊客主動同我講 " Come, there's good food here ! "
哈 ! 咁就要試試啦 !
仲有...呢間餐廳有樣好，就係 free wifi !
叫左杯最後的 Mango Shake，Yogurt with fruits n granola，同埋一份 set lunch
似 X 記甜品多過似乳酪 !
Set lunch 有餐湯、沙拉，三文治及甜品可以自由選舉
我揀左燒牛肉三文治及 coconut panna cotta
食完午餐再到附近行到 ! 見到有人即捲 cigar ! 真係第一次見 !!
忍唔住買左返去做手信 !
行到兩點就要搭車去 Jetty port 啦 !
去到 Jetty port 勁多人 ~ 先去買飛 !
左邊賣綠色票既係船費，每人 25php
右邊賣紅色票既係碼頭費，每人 50php
碼頭費仲貴過船費成倍 ?!
再去隔離搣飛就可以上船，正式離開長灘島啦 ...
去到 Caticlan 一行出碼頭直望就會見到好多 van 泊左O係度，係去 Kalibo 機場既 ~ 200php 一位
我地由 Caticlan 機場走，只需再行前兩步到 tricycle 站頭買票就可以上車啦
每位 50php
五分鐘到達機場，先於門口檢查 Passport 及網上機票既 print-out
再排隊 check-in，呢度會拎哂由 Caticlan 至 Manila 及 Manila 至 Hong Kong 既機票
同樣地... 係要上磅架 !
行李重過 10kg 就要收 charges
但係你個 Hand carry 幾重就唔理... 所以我都係將行李既野塞埋入 hand carry
去候機大堂之前先要俾機場稅，加左價 ! 位位 200php !
於候機大堂無野做既時候不妨去買隻熱狗食 ! 好抵又好食 ! 大腸約 40php，雞肉芝士腸就 25php
我估... 應該只有外國人先會俾個 BB 係咁打爸爸個頭仲要成家都笑得咁開心
再見菠蘿雞 !
去到 Manila，入境後直行向機場出口既方向，轉左就會有扶手電梯
上兩層再轉左就會見到出境大堂！
記住 ! 如果你想食完野先上機...記得上完扶手電梯就再上多層 ! 有不少餐廳選擇 !
但係入閘之後就無咩好食架啦 !
呢度機場稅仲貴 ! 每人 750php !
所以... 一定要留返少少 Peso，唔好用到盡 !
由 Boracay 坐 tricycle 去 jetty port 到 Manila 起飛，一個人都要用大約 1150 peso !
長灘島旅程咁就結束啦 ... 真係一個人生一定要去的地方 !
好想好想再去多一次 !
今次都玩左大部分既活動... 再去多次就可以真真正正咁享受長灘島既陽光與海灘啦... !
沒有留言:
張貼留言