每次打開agoda 或 My Boracay guide 既時候都會有種花多眼亂的感覺。望著二百多間的酒店，好壞參半的評語，究竟應該信邊個？點揀先係最好？真係諗到頭都爆！
本人分別於長灘島的旅遊旺季及淡季期間到了當地旅遊，總共住了四間都是屬於中下價的酒店，發現旺季及淡季的房價真的相差很遠！不過房價總是不停變動，要查閱房價還是到上述的兩個網站更為準確，而我只會將我入住時的價錢跟大家分享以作參考。
而此文章則主要為詳細地比較曾經下榻的四間酒店的好壞及需要注意的地方，好讓大家解決住宿的煩惱，過一個更舒適的長灘島之旅！
*文章內都所有照片都是自家拍攝，將酒店的真實情況全面匯報！
1. Pahuwayan Suites
Location：Bulabog Beach
Check-in date：20/01/2012 – 24/01/2012
Room type：Suite 4, Ground floor with garden
Price：$780/night
Breakfast：Not Included
推介度：★★★★★
地理位置：★★★☆☆
離 D’Mall 及 White Beach 較遠，由酒店步行至D’Mall約需 5分鐘，而乘坐Tricycle 則約需 75peso。另外，酒店的入口比較難找，好多 Tricycle 的司機都不太清楚其位置。
而 Main Road 至 Bulabog 的道路於晚上較暗，雖然長灘島的治安良好，但女士於晚上還是乘 Tricycle 回酒店比較好。
另外，於 22/09/2012到長灘島的時間見到Main Road 至 Bulabog 的馬路正在修葺，應該數月內就會完工。到時到 Bulabog 就方便及安全得多了！
景觀：★★★★☆
房間景觀一流，一步出 Garden 就可以直落 Bulabog beach，如果可以住到二樓的 King size suite 就更加無敵！
硬件配套：★★★☆☆
酒店房間並沒有雪櫃及保險箱，只於 dining area 有公共雪櫃一個。
房間空間感十足，加上落地玻璃，實在心情舒暢，仲有分體式冷氣，十分夠凍！而沐浴時水溫夠哂熱，水壓亦穩定。
Wifi 亦穩定～
Wifi 亦穩定～
衛生：★★★★★
住了四晚，經常在房間飲飲食食，都未見有蚊蟲/螞蟻出現！
早餐：N/A
此酒店並未有提供早餐
服務：★★★★★
職員友善及親切，就算是夜間果個類似保安的職員，只要我出聲就反轉間酒店幫我搵需要的被鋪又或者係開瓶器！真係我自己都唔好意思！另外，特別要讚一讚佢地執房，真的十分十分細心！感覺好窩心！
睇下！竟然會特登將我把 Buzz 扇企o係度！仲將我個保鮮袋用水痴上牆度晾乾！
其他服務：N/A
此酒店並未有提供其他服務
附加資訊：
其實入住呢間酒店既客人大多都係於 Bulabog beach 既 Kite surfing 愛好者，於旺季期間其實都幾熱鬧！
而淡季期間入住都有一好處！就係於雨季期間，由於 White beach 實在太大浪，所有船隻都會在 Bulabog beach 上落！如果你在淡季住呢間酒店就十分方便啦！玩完水上活動一落船就可以返酒店沖涼！
2. Island Nook Boutique Hotel
Location：Station 2, Main Road
Check-in date：22/09/2012 – 24/09/2012
Room type：Single Standard Room, Room 11, Second floor
Price：$268/night
Breakfast：Included
推介度：★★★★☆
地理位置：★★★★★
離 D’Mall 只有十多米，絕對方便！
景觀：☆☆☆☆☆
無景觀可言。部分房間面向 Main Road 並有一個小露台，但晚上交通會比較嘈。
硬件配套：★★★☆☆
酒店房間並沒有雪櫃及保險箱，只能於酒店的餐廳拿冰及熱水。
房間較細，但勝在簡潔實用，冷氣亦夠凍！
洗手間有獨立的熱水爐，沐浴時水溫夠哂熱，水壓亦穩定。
但 Wifi 於房內接收較弱，上網不太穩定。
但 Wifi 於房內接收較弱，上網不太穩定。
衛生：★★★★☆
住了兩晚，經常在房間飲飲食食，都未見有螞蟻出現。
房間內較多蚊，但尚可接受。而房間外則有不少壁虎。( 可能是季節影響，第二次到長灘島期間，其實整個島上都是壁虎～ )
早餐：★★☆☆☆
其實絕大部分長灘島酒店的早餐都係不吸引的，特別係菲律賓式早餐，都是勁咸勁濃味，而 Island Nook Hotel 既早餐亦都唔例外。不過扣分的在於早餐的熱咖啡竟然係俾一杯唔熱既熱水及一包即沖咖啡粉我，而Pancakes 既 Syrup 竟然係就咁倒在咖啡杯隻底碟上，實上令人無奈…
另外，酒店的餐廳係可以食煙的，十幾人只有我們一枱係唔食煙，習慣了香港無煙食肆的我們真係完全反肚。
服務：★★★★★
職員友善及親切，解答了不少問題！更積極地幫忙打電話到下一間下榻的酒店查問！
此酒店亦提供不同種類的島上活動，Island Hopping 的導遊 Ray 十分好人！知道我鐘意浮潛所以帶左我地去好多好正既浮潛點！結果第二次到長灘島時的活動全部都是經此酒店代訂！
其他服務：★★★★★
此酒店提供代訂島上活動的服務，更有自家 island hopping 的船及船員，浮潛用具亦遠較其他船家提供的用具為清潔！可以話是十分新的！
另外，代訂活動的價錢亦十分抵！ 包 Island Nook Hotel 既自家船 Island Hopping 只需 1200peso ( 可再議價 )，而代訂Red Coral 玩 Parasailing 及Helmet Diving 原價要 950peso/pax，現只需 800peso/pax，真係十分超值！
除此之外，酒店亦有洗衣服務，每公斤35peso，最低消費兩公斤。洗完真係超香 *0*！
附加資訊：
此酒店的賣點就是地理位置及其島上活動服務，價錢超值，服務又好，完全省卻了在 White beach 格價的煩惱！就算大家只住一晚訂哂佢既活動都抵！
3. Lazy Dog Bed & Breakfast
Location：Bulabog Beach
Check-in date：24/09/2012 – 26/09/2012
Room type：Standard Room, Room 2, Ground floor
Price：$301/night
Breakfast：Included
推介度：★☆☆☆☆
地理位置：★★★☆☆
離 D’Mall 及 White Beach 較遠，由酒店步行至D’Mall約需 5分鐘，而乘坐Tricycle 則約需 75peso。但由 Main Road 行去 Bulabog 沿路都有 Lazy Dog B&B 既路牌，而大部分 Tricycle 司機都知道呢間酒店既位置，其實正正就在 7 Stones 旁邊，都算容易搵到。
而 Main Road 至 Bulabog 的道路於晚上較暗，雖然長灘島的治安良好，但女士於晚上還是乘 Tricycle 回酒店比較好。
另外，於 22/09/2012到長灘島的時間見到Main Road 至 Bulabog 的馬路正在修葺，應該數月內就會完工。到時到 Bulabog 就方便及安全得多了！
景觀：★☆☆☆☆
所有房間都係面向酒店內的園景，雖然酒店花了不少花思去裝飾戶外的公共地方，不過都是可以話係無景觀可言。
硬件配套：☆☆☆☆☆
酒店房間並沒有雪櫃及保險箱，晚上沒有冰或熱水提供。
房間較細，地板以竹搭建而成，但整體而言燈光較暗，特別是洗手間，需靠額外的光源照明。
冷氣不夠凍！加上竹搭的地板及門窗的隙縫，令整間房間都不夠涼快！
洗手間有獨立的熱水爐，但沐浴時水溫不足，水壓亦不穩定。
另外，房間曾經於凌晨02:00-05:00停電，無冷氣簡直想死！不過應該並非單單一間酒店停電～
而佢既插座離奇地有兩個轉插，應該都係上手住客留低的...
而佢既插座離奇地有兩個轉插，應該都係上手住客留低的...
而 Wifi 方面尚算穩定。
衛生：☆☆☆☆☆
住了兩晚，經常在房間飲飲食食，有少量螞蟻出現。
但房間內極多蚊，不停從門窗及地板的隙縫飛入，最後要買蚊香才可以稍為解決到問題！真係完全不能接受！
另外，更大問題是床舖毛巾！床舖竟然有數條頭髮！而毛巾更有污漬！又係完全不能接受！
早餐：★★☆☆☆
餐牌雖然提供菲式及美式早餐，但實際上卻有很多食材都欠奉，而戶外的dining area 超多蚊！
服務：★★★★☆
職員友善及親切，積極地幫忙打電話查詢，雖然早已講明打電話至當地的手提電話是收費的，但最後都免費幫我打！服務的確好！
另外，check-in 時有 welcoming drink，應該係檸檬茶，甜到完全飲唔到，放在房內數分鐘就有螞蟻！
其他服務：N/A
此酒店並未有提供其他服務
附加資訊：
其實呢間酒店除左比較適合 Kite surfers 之外，真係諗唔到有咩人會住 ( 大概就係我呢種水魚吧 )。價錢又唔夠人平，環境又唔夠人好，服務又唔係真係出色到咁，都唔知點解呢間酒店咁出名！唯一可以讚下就係雨季時因為近 Bulabog Beach，玩完水上活動返去沖涼休息比較方便啦！
4. Microtel Hotels and Resorts
Location：Diniwid Beach
Check-in date：26/09/2012 – 27/09/2012
Room type：Room 205, Second floor, Double Room with beach view and Balcony
Price：$626/night
Breakfast：Included
推介度：★★★★★
地理位置：★★★☆☆
酒店位於 Station 1 以北的 Diniwind beach，雖然沿岸有小路相連 White beach及 Diniwid，但基本上是不會及不能由 White beach 行至 Diniwid。出入主要靠酒店的 Shuttle bus，車程約 10-15 分鐘。如果由 Station 2 Budget Mart坐Tricycle 回酒店約100peso。
雖然酒店位置遠離 D’Mall，出入不甚方便，但亦有其好處。首先，Microtel 有private beach，雖然並非整個沙灘都是 Microtel，但 Diniwid 人流遠較 White beach 少，自成一角，可享有更高的私隱。而 Diniwid 亦是一個睇日落的好地方！令 Microtel 在地理位置方面奪回不少分數！
同樣地，2012 年 9 月期間 Microtel 的正門正在鋪路，應該於數個月內完工！
同樣地，2012 年 9 月期間 Microtel 的正門正在鋪路，應該於數個月內完工！
景觀：★★★★☆
由於預約房間時選擇經官方網站訂購，故可嘗試要求面向 Diniwid Beach的房間。房間景觀一流，房間直望酒店的泳池及 Diniwid beach，絕對無敵！
硬件配套：★★★☆☆
酒店的網站表示房間並沒有雪櫃及保險箱，但到埗時卻發現是有雪櫃的！保險箱則位於酒店的 Concierge。
房間空間感十足，兩張 Queen size beds，落地衣櫃，加上落地玻璃，望住無敵靚景，實在不得了！
冷氣十分夠凍，而沐浴時水溫夠哂熱，水壓亦穩定，更難得的是酒店有提供沐浴露，剃刀及牙刷等個人護理物品。
Wifi 方面接收不太穩定，要靠近窗邊才可穩定要接收到樓下 Lounge 的 Wifi。
另外，酒店有不少供小朋友玩樂的設施，絕對是溫馨家庭的渡假首選！而公共空間亦十分寬敞！
而酒店有自己的 Bar 及餐廳，lounge 有自助咖啡機24小時免費任飲，亦有冰塊及熱水供應。
衛生：★★★☆☆
住了一晚，房間未有蚊蟲出現，床舖及毛巾都十分清潔。
但話說當日買了一個 Yellow Cab Pizza 回酒店後便急急腳走到沙灘看日落，十多分鐘後回後卻發現整個 pizza 有幾十隻蟻！結果要整個 pizza 丟了！之後就無再出現螞蟻了～
但話說當日買了一個 Yellow Cab Pizza 回酒店後便急急腳走到沙灘看日落，十多分鐘後回後卻發現整個 pizza 有幾十隻蟻！結果要整個 pizza 丟了！之後就無再出現螞蟻了～
而 Lounge 的自助咖啡機旁的黃糖內亦見有蟻！要到餐廳問職員拎糖！
酒店的蟻患實在令衛生方面失分不少！
大家如果入住 Microtel，切記不能在酒店房內進食！
早餐：★★★☆☆
同樣地，以「酒店早餐不吃也罷」的大前題評論，Microtel 的早餐已經算是不過不失了，服務不錯，餐廳環境亦很好，但還是「不吃也罷」。
服務：★★★★★
職員友善及親切，樂於提出協助。不過 Concierge 職員的英文未免太爛，超重鄉音，需時咀嚼內容，而其他職員的英文還好的。
Check-in 時的Welcoming drinks同樣是檸檬茶，上面有一層厚厚的泡沫，同樣是甜得不能入口。另外，check-in 時亦會奉送 Microtel 的自家貝殼項鍊！
較貼心的是酒店內有電影台的列表，免卻我慢慢從接近一百個電視台中找出我的 ESPN！而當中更有島上主要食肆的名稱及電話，同樣是十分貼心！
另外，如果大家預約了 shuttle，酒店會打電話黎提你‘shuttle is ready.’
其他服務：★★★☆☆
酒店有提供代訂島上活動的服務，但價錢較 Island Nook Hotel 貴。
另有上房massage服務，400peso/hour。酒店亦有 free shuttle bus service between Microtel and D'Mall，有特定的時間表，必須預約，但只需出發前 20 分鐘預約即可。
附加資訊：
Microtel 雖然遠離 D’Mall，不過勝在自成一角，擁有十分寧靜及私隱度高的環境，十分適合情侶們在此過二人世界或溫馨小家庭共聚天倫！
加上酒店提供的 Shuttle bus service，所以地理位置的問題並不大。
絕對是會再次入住數晚的酒店！
別註：
酒店早餐真係唔食都無蝕底，特別係菲律賓式早餐… 所以大家揀酒店時唔需要特登搵間有早餐的。因為，酒店早餐真係只限於功能上填包個肚，但其實D’Mall 都有唔少好味既早餐架！就例如 Lemoni café 及 The Pancake House，無機會試就真係蝕底啦！
文章內容純粹個人經驗及意見，只供大家參考，並不帶有任何商業目的。
如有任何問題，歡迎留言，盡我所能為你們解答！
如有任何問題，歡迎留言，盡我所能為你們解答！
沒有留言:
張貼留言