農場工作長時間日曬雨淋，除了會曬傷及淋病之外，又經常會接觸到不同種類的植物及昆蟲，經常都會不少蚊叮虫咬，刮傷又或者皮膚敏感，所以農場工作的裝備的確十分重要！
帽：
先由保護衣物開始，面對澳洲的猛烈陽光，一般的防UV 衫褲就不用介紹了，但大家都知道最常曬傷的就是鼻頭及後頸，所以一頂保護充足的帽就十分重要了。一般Europeans 都會戴通常的 baseball cap / 漁夫帽，但只能遮擋部分陽光，所以我們買了「Keroro 帽」，雖然外觀上扣了不少分，但的確保護到後頸及面部免被曬傷，更可以保護面部免被樹枝刮傷，當大家做Orange picking / sweet corn picking 的時候就超級有用了！
衣物：
早前在香港買的行山衣物絕對係大派用場！防 UV 又快乾！不過其實又無話一定要著行山衣物既，但就絕對建議大家準備一件薄薄的風褸，落雨 / 刮風既時候真係救命，而當太熱唔想戴帽既時候，風褸既 Hoodie 都十分幫到手！加上風褸本身既質地，絕對係一個唔錯既保護衣物！
農場工作經常都會遇到呢種雜草，叫做 Lovegrass，好容易痴上身，特別係一般棉質衣物，十分吉，仲好難清除，好容易就會整到皮膚敏感，但風褸 + 牛仔褲就可以完全保護到，熱就熱，不過總好過又紅又腫～
手套：
基本上所有的戶外農場工作都需要用手套，但手套有很多種，哪種才是最為合適？其實都是取決於你做哪種農場的啦。
- 塗膠手套
可以話係最萬用及最多 backpackers 用的手套，Pick & Pack 都做到，通常grapepicking 都係用呢種，夠平，透氣，又可以提供基本既保護。在澳洲woolworths / daiso 等都可以買到～
- 皮手套
保護功能十足！Heavy duty 首選！之前 orange / sweet potato / sweet corns picking 真係靠哂佢地，否則一早就被樹枝插死 / 不知名昆蟲咬死～ 唯一缺點就係唔可以洗…乾後變得超硬…所以對皮手套…好臭…
以下皮手套可於 woolworths 買到，大約 5 AUD。
在香港經淘寶買的國貨，保護夠但不耐用，好快就開始爆線了～
- 洗碗手套
無錯，洗碗手套都係另一 Heavy duty 之選，樹枝樹葉比較難穿透，保我免受被sweet corn 的葉 “界” 到皮膚敏感之苦，不過好焗… 而且比皮手套容易破損。
＊一般既手套都只能夠保護到手指到手腕既範圍，前臂就成為了受傷既重災區，所以大家都會找對舊襪，剪去腳趾部分，套在手上，再在適當的位置剪一個缺口讓拇指穿過，就成為了最平又最有效既前臂保護！Picking 絕對有用！＊
防虫頭套：
澳洲多烏蠅大家都知…去到農場咁熱就有更多… 而呢D智慧型烏蠅特別鐘意飛去你既口 / 鼻 / 耳，唔好問點解... 真係完全避唔到… 本人做農場做了三個月，就食了兩隻… 而且仲要係經個鼻吸入… 真係好難受… 所以都有唔少人買了防虫頭套，避免食烏蠅之苦。當然，這是不一定要買的啦～ 我食完兩隻都堅持唔買！
在農場當地的五金鋪 / 雜貨鋪都可以買到，約 10 AUD。
不過，著得幾密實都好，一樣會中招，被樹枝樹葉刮到，皮膚敏感，蜜蜂針親等等，實在好難避免，所以到農場工作一定要帶備一支 antiseptic cream，消炎鎮痛止痕，真係好幫到手！有好多不同的品牌，一般細支裝不用 10 AUD。
到農場工作大致上要準備的就係咁多，都係經驗分享，希望可以減輕大家在農場工作時「不必要既痛苦」，祝大家好運！
如有任何問題，歡迎留言，盡我所能為你們解答！
作者已經移除這則留言。
回覆刪除